Videos

  • خدا کو ایک عدد پہ حسین(ع) لے آئے

    خدا کو ایک عدد پہ حسین(ع) لے آئے
    اسے مقام صمد پہ حسین(ع) لے آئے
     
    نبی کے ساتھ ہوئے ہیں ہزار حج اس کے
    جسے بھی اپنی لحد پہ حسین(ع) لے آئے
     
    فنا کی آخری حد پہ کھڑا تھا حر لیکن
    بقا کی آخری حد پہ حسین(ع) لے آئے
     
    کٹا کے سر کو جھکایا نہیں ہے کربل میں
    خود ہی خدا کے قد پہ حسین(ع) لے آئے
     
    پکارے خوف سے اصغر کو دیکھ کر شامی
    حسین اپنے ہی ید پہ حسین(ع) لے آئے
     
    وہ جس کے سامنے ممدوم حسن یوسف بھی
    وہ حسن جون کے قد پہ حسین(ع) لے آئے
     
    جنہوں نے حکم تولی بھلا دیا سن کے
    انہیں تبرے کے ذد پہ حسین(ع) لے آئے
     
    بلایا فرش پہ سجدہ دکھانے خالق کو
    یا خود کو عرش احڈ پہ حسین(ع) لے آئے
     
    یہ مجتبی کے قلم سے جو لفظ نکلے ہیں
    قبولیت کی سند پہ حسین(ع) لے آئے
  • قبر اصغر کی بنانے میں بہت دیر لگی

    قبر اصغر کی بنانے میں بہت دیر لگی

    قبر اصغر کی بنانے میں بہت دیر لگی

    شہ کو اک چاند چھپانے میں بہت دیر لگی
     
    گرم ریتی سے بدن ڈھانپ دیا شہ نے مگر
    چہرہ اصغر کا چھپانے میں بہت دیرلگی
     
    گھٹری جب لاشہ قاسم کی کھلی خیمے میں
    شہ کو ترتیب بنانے میں بہت دیرلگی
     
    چند سطریں تھیں مگر لاش علی اکبر پر
    شہ کو خط پڑھ کے سنانے میں بہت دیرلگی
     
    باپ کی لاش سے دروں کی اذیت دے کر
    ایک بچی کو ہٹانے میں بہت دیرلگی
     
    کچھ قدم دور ہے بازار سے دربار مگر

    پھر بھی شہزادی کو آنے میں بہت دیر لگی
     
    شہ نے ہر لاش کو جلدی سے اُٹھایا لیکن
    لاش اکبر کی اُٹھانے میں بہت دیر لگی
     
    ٹکڑے چُنتے ہوئے قاسم کے کہا مولا نے

    ہائے افسوس کہ آنے میں بہت دیرلگی
     
    اس قدر پیاس سے سوکھا تھا گُلِوئے سرور
    
شمر کو تیغ چلانے میں بہت دیر لگی
     
    کربلا جا کے تکلم نے یہ ہی پوچھا تھا
    مجھ کو سرکار بلانے میں بہت دیر لگی
     
    https://www.youtube.com/watch?v=cP_ZX-zfOaQ
  • یہ سوچتا ہوں کہ عابدؑ کا حال کیا ہو گا

    یہ سوچتا ہوں کہ عابدؑ کا حال کیا ہو گا

    یہ سوچتا ہوں کہ عابدؑ کا حال کیا ہو گا
    اسیر ہو کے وہ جب شام میں گیا ہو گا

    سُنا ہے شام میں جاتے ہی خون رونے لگا
    نہ جانے شمر نے اُس وقت کیا کہا ہو گا

    گلے کے طوق نے عابدؑ کو کیا جھُکانا تھا
    وہ اپنے کھوئے ہوئے لعل ڈھونڈتا ہو گا

    وہ ظلم دیکھے ہیں سجادؑ نے حسینؑ کے بعد
    مجھے یقیں ہے کہ اب تک بھی رو رہا ہو گا

    وہ یاد کرتا تو ہو گا وطن کی شاہی کو
    بہن کو دفن جو پردیس میں کِیا ہو گا

    جو غور کیجئے٬ عابدؑ بشر نہیں لگتا ہے
    میرے خیال میں دُکھ درد کا خُدا ہو گا۔