یہ سوچتا ہوں کہ عابدؑ کا حال کیا ہو گا

یہ سوچتا ہوں کہ عابدؑ کا حال کیا ہو گا
اسیر ہو کے وہ جب شام میں گیا ہو گا

سُنا ہے شام میں جاتے ہی خون رونے لگا
نہ جانے شمر نے اُس وقت کیا کہا ہو گا

گلے کے طوق نے عابدؑ کو کیا جھُکانا تھا
وہ اپنے کھوئے ہوئے لعل ڈھونڈتا ہو گا

وہ ظلم دیکھے ہیں سجادؑ نے حسینؑ کے بعد
مجھے یقیں ہے کہ اب تک بھی رو رہا ہو گا

وہ یاد کرتا تو ہو گا وطن کی شاہی کو
بہن کو دفن جو پردیس میں کِیا ہو گا

جو غور کیجئے٬ عابدؑ بشر نہیں لگتا ہے
میرے خیال میں دُکھ درد کا خُدا ہو گا۔