Blog

تو ہی تو چھپا ہوا خزانہ تھا لیں میں نے تجھے ظاہر کیا اور میر پہچان ہو گئی۔

محمد عون بلا کا تیز، نڈر اور ذہین ہے جبکہ محمد جون شرمیلی طبیعت کا اپنے آپ میں مگن بچہ۔ چار مہینے پہلے انہیں ہم نے پلے گروپ جسے اردو میں ہم کچی کلاس کہا کرتے تھے، میں داخل کروا دیا۔ چونکہ ان کے امتحان شرورع ہونے والے تھے۔ میں نے چاہا کہ انہیں پڑھا دوں۔ ماشااللہ دونوں بہت اچھی طرح ہر چیز سنا رہے تھے لیکن جب میں نے ان سے کہا سناؤ۔ جونی جونی۔۔۔عوں نے فٹا فٹ شروع کر دیا جونی جونی یس پاپا۔۔۔۔اور ساتھ ساتھ وہ جون کی طرف دیکھ بھی رہا تھا۔ اور جون کے چہرے کا رنگ بدل رہا تھا ابھی ایٹنگ شوگر ہی آیا تھا کہ وہ پل پڑا عون پر۔ انہں میں نے علیہدہ کیا اور اس کے بعد سب بچوں نے اسے چھیڑ بنا لیا۔ تھوڑی دیر کے بعد میں نے دوبارہ جون کو بلایا اپنے پاس بٹھایا، پیار کیا اور سمجھایا۔ بیٹا یہ نظم ہے آپ کو نہی کہ رہے یہ دوسرا جونی ہے آپ تو جون ہو۔ شائد اس کی سمجھ میں آیا کہ نہی لیکن وہ پڑھنے لگا۔ اسی دوران میں نے باقی بچوں کو سختی سے منع کیا کہ اسے تنگ نہ کریں۔

میں بڑا ہیرو بن رہا تھا۔ میں نے بیگم سے کہا دیکھو ایسے بچوں کو سمجھایا جاتا ہے۔ تمہاری تو بات ہی نہی سنتے۔ دیکھا حالانکہ وہ چڑ رہا تھا لیکن میرے سمجھانے پر سمجھ گیا۔ مجھے بچوں کو سمجھانے کا ہنر بہت اچھی طرح آتا ہے۔ بیگم نے کہا تو کچھ نہی لیکن مجھے معلوم تھا دل میں کہ رہی ہو گی بچوں کو ہی سمجھا سکتے ہو۔۔ہمت ہےتو مجھے سمجھا کے دکھاؤ۔

بات تو یہاں ختم ہو جانی چاہئے تھی۔ کچھ دیر کے بعد ایک اور نظم آ گئی۔ رین رین گو اوے۔۔۔۔دونوں نے شروع کی اور جب میں نے کہا لٹل جونی وانٹز ٹو پلے۔ جون نے مجھے گھورا، رویا اور روتے روتے بولا۔۔بابا بلیک شیپ اور یہ جا اور وہ جا

میری بیگم مجھے دیکھ رہی تھی اور اس کی نظریں کہ رہی تھی بڑا اچھا سمجھایا تھا۔ اور میں اسے۔

ارے یہ دیکھو، حروف تہجی کا لیپ ٹوپ میں نے بات بدلنے کی کوشش کی۔ یہ دیا ہے۔۔۔۔۔۔۔
” ہاں ماموں نے ہی دیا ہو گا۔” بیگم نے پہلے ہی اعلان کر دیا۔

میں اسے بجا بجا کر بیٹے کے ساتھ کھیلے لگا۔ بیگم دوسرے گفٹ کھولنے لگی کہ اچانک ایک ڈبہ کھولتے ہوئے ریپر جون کو لگ گیا۔ اس نے پہلے ایک تان لگائی کہ تان سین یاد آ گئے، خشمگیں نگاہوں سے ماں کو دیکھا اور بڑے جستہ انداز میں بولا “کتی ماما”۔

میرے لئے اپنی ہنسی روکنا مشکل تھا اور ایک زور دار قہقہ میرے حلق سے برآمد ہوکر کمرے کی رنجیدہ فضا میں پھیل گیا۔ اف۔۔تو یہ بھی جانتا ہے میں نے دل میں سوچا اور مسکراہٹ جیسے میرے ہونٹوں پر ثپت ہو چکی تھی۔ میری بیگم کو بہت برا لگا اور اس نے پہلے گھور کر دیکھا اور اس کے بعد غصے سے اٹھی، پاؤں پٹخا اور باہر جانے لگی۔

اس سے پہلے کہ ایک اچھا دن کا انجام بہت برا ہوتا۔ میں نے اسے ٹھیک کرنے کا سوچا۔۔۔میں اٹھا اور بیگم کے پاس جا کر بولا۔” بچہ ہے ایسے ہی کہ دیا تم تو برا منا گئی۔

وہ تو بچہ ہے لیکن آپ تو نہی” ہنسی جیسے رک ہی نہی رہی تھی۔ بیگم کی آنکھوں میں آنسو آ گئے تھے۔ اس سے پہلے کہ بیگم کا وار کامیاب ہوتا۔ جون نے حروف والا لیپ ٹاپ نیجے پھینگا اور بولا “کتے بابا بچاتے کیوں نہیں”

بچہ ہے ” میری بیگم نے آنسوؤں کے درمیان قہقہ لگاتے ہوئے کہا اور میں وزیدہ نگاہوں سے لیپ ٹاپ اٹھانے لگ گیا۔